|
I`mecht heit´ mit mein dicht`n
amoi d`Neujoahrblosa ausricht´n !
Die Handlung ist frei erfunden.
Ähnlichkeiten mit lebenden Personen wären rein zufällig !!
Der erste Tag
Zom käm deans ums s´Togwähn scho´,
uma siemi geh´n sies oh´
owa wäh kimmt nit dahä ?
jo, da Hias, dös wiss ma eh´!
Wiacht a d´Not´n mäh nit find´n,
sei´tuats scho´zon Oascheinbind´n,
mittlerweile wiacht´s scho Tog,
na, mit eahm is scho a Plog!
do auf oamoi steht a do,
locht a wenk, um eahm is´gschmoh,
weiss na gwocht hobt´s - is a Freid,
no is eh nix aus da Zeit.
Wos host denn do´? frogt da Fritz
und rakt si´oane o´.
Wos is los ? woin a die onan wiss´n,
hot´s di i da Friah scho gschmiss´n?
Da Hias vozöht und jeda rakt si´oane o´
und so lauft eah d´Zeit davo´.
Auf oamoi gibt´s in Sepp an Rieß:
Hä Gspa´, wisst´s eh wia spot dass ies?
Do is jo längst da Tog vobei,
bis da mia hinkemman is Gei,
hiazz owa rasch, und lost´s enk sog´n
mia kunnan nit do Wuchzln schlog´n.
Drauf gehen´s sie´s owa hurtig o(n),
wai bo die Heisa wochtn´s scho
und blos´n dean´s so wunaschäh,
dea Leit´wiacht richtig läh und bäh
und s´gonze Hintertoi hot k´rächt,
bis das´s die ächt´n Hörna g´frächt.
wos a koa Wuna is, denn scho seit Stund´n,
drahn sie von Haus zu Haus die Rund´n,
do i´da Schäffagoss´n,
hot´s oft gonz da Muat voloss´n,
do sogt da Ehrnfried: "Wisst´s ös äh?
heit san ma mä no toif in See!"
Vo´da Leit´n zon Krowod´n
meng´s in Schnee frei nit dawod´n,
ob´m bon Beriga Fächt,
hot´s eah wieda d´Hörna gfrächt.
Da sogt da Fächt:" Aha in die worim Stub´m
und Tonal - richt eah häh,
a Häf´n voi schäh hoass´n Tee."
Na Bua, hächt ma in Walter brummin
mia soit´n ins hiaz scho löb tummin.
Doch aft homs no wia jedes Moi,
an Lula blost hinab ins Toi.
Schäh longsom wähn hiaz d´Mona miad und zwieda,
wai d´Schnapslan foh´n eah scho i´d´Glieda,
da Onsoga bleibt öfta steh´,
dawei is no a Nocht zon geh´,
da Posaunist mua d´Schuah no bind´n,
da Bassla bleibt scho oiwei hint´n
und d´Klarinedla miass´n brunz´n,
mi ziemt hiazz fongs sie´s oh zon hunz´n.
So homs sie´s no mit letzta Kroft,
bis zo dö Romsauheisa gschofft,
Bon Morix´n Poid,
hot´s oft endlich da Teifi g´hoit.
Wai docht gibst aft, dös wissma eh,
in Poidei sein berühmt´n Tee.
und d´Nocht hot a scho aha schaut,
so homs oft glei in Huat drauf g´haut.
Sei´ Vroni ois die oanzig´Niacht,
fiacht´s ahi hiazz zon Kiriwiacht.
Bon Wiacht von müad sei üwahaupt koa Red´
do wiacht oft wieda weida gspiet,
do is´scho richtig laut und gschmoh,
die onan Pass´n sand long do.
Da hom si´früara Soch´n scho zuatrog´n,
ma soits jo eh nit weida sog´n
wai sa sie wirkli nit recht kächt,
do´die G´schicht is long vojächt:
In da Gaststub´n do geht´s zua ois wia,
s´Blosn dös tuat a scho schia,
do sogt da Wiacht:" Leit hiazz is´aus,
außerdem is´voi´mei´Haus,
macht´s ma bittschä´n koan Vodruß,
hiaz is aus und hiaz is Schluß,
wäh an Ton no aussapresst,
dä fliagt aussi, dös steht fest."
Dös geht in Sepp´n owa z´hou,
dös gonze Johr bist um ins frou
und hiazzat soit ma neahma sei,
mei liawa Freind, dös is nit fei´
Dös losst da Wiacht si nit gähn sog´n
und packt in Sepp´n glei bon Krog´n,
eh tuat eam owa eh nit weh,
auf oamoi foin die Noch´n häh
In den Moment, jo stöllt´s enk vie,
do steht da Schani i da Tie´
dös hoit da Sepp hiaz neahma aus,
er geht glei aus da Musi draus.
Da hobt´s mei Gwond und a mei Horn,
i hon do neama nix volorn.
Ois is´perplex und desparat,
da Sepp hot nomoi um si´draht,
oft stürzta aha bo da Tür,
von Bindl s´Bandl - dös ghächt mia
Am näxt´n Tog do hots´n kroit,
er hot sie´s Zoig oft wieda khoit.
Der zweite Tag!
Am zweit´n Tog hot´s goar koan gfreit,
do hom´s zon Glick heit nit recht weit,
do bo eahn blos´n und eahn kudan,
deans a den zweit´n Tog vogludan.
Bon Faschl geh´ns scho auf und nieda,
da oit Kassier wiacht a scho zwieda,
um s´finsta wearn und recht voi Schnee,
do kemmans endlich oft dahä.
Hiaz wiacht oft bracht und blost und glog´n
und d´Kellnarin kruaßt und d´Gspa aufzog´n
do noch den fünftn Bier und no den zehnt´n Liad,
da wähn oft d´Musikant´n miad.
Und mit da oialetzt´n Kroft
do wiacht a no da Hoamweg g´schofft
und jeder sogt:" Mei liawa Mo(n),
nexts Joah´ tu i den Tschoch mia neama o(n)
Donnerstag, 13. Dezember 2001
zurück zu Seite 2
|
